ifada إفادة

ifada إفادة


التفاهة أسلوب حياة بشرط ألا تزيد عن حدها

الجمعة 25 مايو 2018 - 16:52 , افادة
التفاهة أسلوب حياة بشرط ألا تزيد عن حدها
سارة لطيف

كُل حاجة فينا مُفيدة ، بحال التفاهة مثلاً ، كنظن انه الى الواحد ماكانش فيه شوية من التفاهة ماكانش يقدر يتعايش مع الواقع الحالي و كون راه دابا كيهدر مع الحوت فالبحر و لا مع الحيوط مثلاً - او غادي ينتحر  شنقاً أو غَرَقاً .
يمكن الجزء التافه فينا هو سبب السعادة انك تكون فرحان و متقلبش على السبب انك تضحك على شي حاجة تافهة، ومتقلبش على سبب نعمة انك تمارس تفاهتك وانت مرتاح  يمكن اتفه حاجة فينا ممكن تكون هى اللي مخليانا باقين عايشين.

فبعض المرات كنكونوا محتاجين نهربو من ضغوط الحياة من اشخاص من جو الجدية و الرسمية لي كيخنق و نرجعوا للجزء التافه للي فشخصيتنا وحياتنا !
عيش عفويتك كيف ما بغيتي مادام ماكتآذي حتى حد  وما تضرب حساب لحد.

فالجزء التافه فينا هو الجزء الاجمل، عمرك تتخلى عليه حيت هو لي كيحافظ على الطفل لداخل ديالك و كيف قال عمنا نجيب محفوظ الله يرحمه : 
"حافظ على الجزء التافه في شخصيتك، الجزء الذي يجعلك تضحك بلا سبب وترقص بلا سبب وتبكي بلا سبب وتصرخ بلا سبب وتحب بلا سبب وتكره بلا سبب"
" لذلك يُرجيَ المُحافظة على التفاهة التي بداخلك لإنها ذات فائدة كبيرة في الحفاظ على توازنكم  النفسي هذا العالم لا تليق به الكثييير من الجدية فمارسوا تفاهتكم بذكاء

التعليقات

كل التعليقات الموجودة في الموقع لا تعكس وجهة نظرنا

لا يوجد تعليق في الوقت الراهن

أضف تعليقك أيضا

أخبار ذات صلة