ifada إفادة

ifada إفادة


تعيين الوزراء وكوب 2026

الأربعاء 24 يناير 2018 - 12:27 , افادة
تعيين الوزراء وكوب 2026 اسماء الفاخوري
المدونة اسماء فاخوري

عقلوا مزيان شكون عين هاد الوزراء باش نهار يبان فيهم العيب، نعرفو شكون المسؤول.

أنس الدكالي تعين على رأس  الوكالة الوطنية لإنعاش التشغيل والكفاءات ANAPEC في 2015. كلشي عارف فضائح وكالة تشغيل النساء العاملات في الفريز وماطيشة في إسبانيا والظروف الإنسانية المهينة اللي كيخدمو فيها من بعد ما كيحجزوا لهم على جواز سفرهم. حتى مظاهرات الريف واكدز وجرادة كان سببها المباشر العمل غير المقنن و غياب سياسات ادماج الشباب. هاد شي كان في تقرير جطو اللي كان سبب إقالة الوزير. 

محمد الغراس كاتب الدولة ديال التكوين المهني عندو ماستر ودكتوراه من جامعة في كورية الجنوبية. وكان أحد ابطال فضيحة الكراطة لصاحبها المعفى محمد أوزين صاحب الميني ماستر.أوزين اعطى تفويضا لصديقه محمد الغراس بصفته  «مكلف بتسيير مديرية الموارد البشرية»، وهي الصفة التي منحت له في «الوقت بدل الضائع» لوجود وزير ميني ماستر في كرسي الوزارة، علما أن التفويض الذي منح لمحمد الغراس لم ينشر في الجريدة الرسمية كما ينص على ذلك القانون.

رئيس جامعة محمد الخامس سعيد أمزازي كان وراء فضيحة إلغاء مجانية التعليم العالي. وحتى الجامعة اللي كان مترأسها ما عند بوها حتى مرتبة محترمة لا وسط جامعات الدول العربية ولا الإفريقية ولا العالمية. يكفي أن تشاهد تكويزة سعيد أمزازي باش تعرف علاش زهر الطلبة مكوز. 

قاليه التعليم طايح. قاليه من القصر خرج مكوز. 
ما عندي ما نقول على عبد الأحد الفاسي الفهري. وخا المغاربة ما كيعرفوهش قبل، تكفيه غير كنية باباه و جده وجد جده باش تعطيه منصب مشرف في المزرعة السعيدة. ولكن سؤال منطقي كيتطرح: إذا كان تعيين عبد الأحد الفاسي الفهري باقتراح الأمين العام ديال حزبه اللي أصلاً عفاه الملك حيت غير كفء، كيفاش ممكن للرفيق غير الكفء يقترح لينا واحد كفء وعلاش ما اقتارحوش قبل ؟ 

عقلو مزيان على شكون اقترح وشكون عين باش نهار يحصل شي واحد نعرفوه منين جا. 
ولا بلاش ما تعقلوا، خليونا مركزين في لوغو ترشيح المغرب لاحتضان المونديال.

التعليقات

كل التعليقات الموجودة في الموقع لا تعكس وجهة نظرنا

لا يوجد تعليق في الوقت الراهن

أضف تعليقك أيضا

أخبار ذات صلة