ifada إفادة

ifada إفادة


قمر "ابولو" المغربي

الإثنين 20 نوفمبر 2017 - 18:14 , افادة
قمر طابق بنحريف "مدون"
بقلم المدون ؛ طارق بنحريف

حدث مبهر و مفرح يدعو للفخر  ...

أن يكون للمغرب و المغاربة  قمر صناعي ديالهم وخا ما صنعوهش لكن شراوه بملاييير  قمر سيلتقط كل شيء دون مونطاج او ماكياج .
أن يلتقط من الفضاء سنة 2017  مجموعة من الاطفال يقطعون عشرات كيلومترات مشيا على الاقدام في تضاريس وعرة من أجل الوصول الى المدرسة ...يا ريث يزووووومي مزيان على اش لابسيييين كيفاش كقفقفوا من شدة البرد 
أن يلتقط القمر مجموعة من نساء على ظهر لحمييير او على رجليهم هما مركبات على ظهرهم هزات لحطب بقطع عشرات كيلومترات يوميا من اجل الوصول الى منبع مياه ...
أن يلتقط القمر صف ملاييين مغاربة لكيفيقوا مع 5 كيشدو صف على شبه طوبيس باش يطلعوا فحال لبهيم التي تحمل للبطوار ....لي كيشدوا صف على طاكسيات لساعات باش يوصلوا للخدمة ...يا ريث يزوووومي القمر على ظروف العمل على لغداء في صوبيرة ...و على لخلصة شحال ...
أن يلتقط القمر لمرضى في مستشفيات هما كيتسناو طبيب ...من كيوصل طبيب كيتسناو سكانير و راديو ...من كيجي مول سكانير راديو كيقول ليهم راه خاسر ...او كيعطيهم روند فو على ستة اشهر ...يا رييييت يزووووومي لقمر على ناموسيات حال سبيطار من لداخل ...
أن يلتقط القمر دوك ناس لفرشات ...شحال كيصورو في نهار تحث شمس لبرد شتاء ....يزوووومي لقمر على مي عايشة مولات ربيع و لحامض لي حاطة قدمها 80 درهم سلعة شحال كااااع فيها ديال رباح ...
أن يلتقط القمر معاناة طلبة في جامعات و مدارس ....يا ريث يزززززومي لنا على شي شاب هاز CV كيدور نهار و ما طال ....حتى كيدبرو سباط ..كيرجع عشية لدارهم ....ام كتسولوا كيقول ليه يكون خير ان شاء الله ...كيقولها بلا ما يشوف ليها في عينها باش ما يزدهاش هم على هم .....
ان يلتقط القمر ملايييين مغاربة ممن هجروا هذا لوطن مكرهين لا أبطال ...ماشي باش يديرو لفلوس لا لا لا ....فقط باش يعيشوا بكرامة بعدالة بحقوق فقط باش يحسوا انهم انسان عندهم قيمة ....
ان يلتقط القمر كوبل مغربي بيناتهم حب لكن ما عندهمش برتوش فين يمارسوه ...ما عندهمش اللعاقة و امكانيات باش يرتبطوا ما بغنش يبداو قصتهم بالكريدي يهزوا لقالب حياتهم كاملة .....كيبقاو يدورو من قهوة لقهوة سوليما سوليما بوسة في ظلام بوسة في دورة بوسة في قهوة لفوق قبل ما يطلع سرباي ...و لعذذذذاب ...
ان يلتقط القمر ملايير المهربة و لمشاريع لي على برة لي درت بفلوس شعب ..ان يلتقط صفقات لوهمية ...ان يلتقط ميزانيات لمنفوخة  ..ان يلتقط ضحكات لكبار و متعتهم و هما كيشفوا فينا كنموتوا كنتقطعوا باش يالله نجبوا تعادل مع رأس شهر ..
ان يلتقط القمر الحوار الداخلي ديال كل واحد فينا من كيجلس  مع راسو في قهوة كيبدا يخمم في لبارح و ليوم و غدا واش يتزوج واش يولد واش واش واش...ان يلتقط لقطة ديال من كنحطوا راسنا على مخدة بالليل ....
أن لا يضيع لقمر لوقت و لجهد  و طاقة باش يلتقط احلامنا و امالنا و طموحتنا حنا ناعسسسسسين حيث ما يلتقط والو داكشي flowwww اللهم خلي طاقة حتى يكون شي مهرجان يزووووومي على ناس كتشطح كتنقز ...ينشر داكشي في عالم و يقول ليهم من لفضاء انه فعلا اننا اجمل بلد في لكرة الارضية.

التعليقات

كل التعليقات الموجودة في الموقع لا تعكس وجهة نظرنا

لا يوجد تعليق في الوقت الراهن

أضف تعليقك أيضا

أخبار ذات صلة