أسود الكورة
بقلم : الزجال والشاعر زهيد وحدي*
اسود الكورة يا ابطال
حققتو لينا المحال
بعزيمة و روح وطنية
عليتوا الراية المغربية
ارفعتو شان المغريب
وطنا الغالي الحبيب
الركراكي مدرب بحق و تحقيق
غيور ، وطني و لكل لاعب صديق
فالمرمى ياسين بونو
و المحمدي الله يعينو
و فالدفاع العميد سايس
يراقب اللعب ويسايس
و فجنبو نايف اكرد
لكل تصدي مستعد
أشرف حكيمي حاضر
و نصير المزراوي ناظر
مرة تلقاهم مدافعين
و مرات كثيرة مهاجمين
و جواد اليميق و عطية الله
تدخلهم سريع يداوي بدواه
دفاع قوي و متين
متماسك و رزين
و فالوسط احسن فريق
يفتح و يسد الطريق
بلياقة كبيرة المرابط
فكل حين طالع هابط
وسيادي على حكيم زياش
موهبة ناذرة فايتة القياس
يصوب ويقدف ويهاجم
و ديما منصور وغانم
و امداح و الصابيري
و الزلزولي و اوناحي
لاعبين قيمتهم عالية
وسومتهم عندنا غالية
و فالهجوم النصايري يصول
ويجري فالملعب عرض وطول
و بوفال يراوغ و يناور
و بوخلال يبادر و يغامر
و حمد الله راس الحربة
يتدخل فالمواقف الصعبة
هذي أروع سربة و احسن تشكيلة
مجموعة متناسقة و فحلة جميلة
يا عالي يا ستار
يا عالم لسرار
انصر فريقنا الوطني
بجاه السبع المثاني
حتى نعيشوا معاه الافراح
ونطيرو فالسما و بلا جناح
- زهيد وحدي : إطار متقاعد بوزارة الشباب و الرياضة
التعاليق